سپینه اوښکه

سپینه اوښکه
 چې یوه مړه اوښکه دزړه له سمڅو
داسویلوتوپان راپورته کړي
ترسترګوراشي
پاس دبڼو په څوکوودیږي
وریږدي لیږ
څلورطرفه نظروغړوي
او
دازموږپه وینو سره نړۍ
داپه بارودوسوزیدلې زمکه
لکه یوه توره بلا
دهغې ښکلې مرغلرې اوښکې
په نظروغوړیږي
لیږ ورته ځیره شي
په غورځیره
خواره واره دانسانانو غړي
ترسترګو یو یو تیرکړي

بیا یې سپږموته بوی دغوښوورشي
دسوځیدلیو غوښو
دخوړینو وریتو غوښو
په زړه یې ډارننوځي
اخیر په دې خبره وپوهیږي
چې بس انسان دانسانیت دښمن دی
نو وایه
بیا به هغه سپینه اوښکه
زموږدزړونوخونړي دردونه
راسره څومره په رښتیا وژاړي
۲۰۰۷/۵/۲۱ساجرسعودي عرب
غضري
 

هوسۍ څنګه وه؟

هوسۍ څنګه وه؟

دساړه ژمي یوه سړه ورځ وه دکلي دځوانانو هم لکه چې نورپه کورونوکې
زړونه تنګ شوی و دوي  ټول دجمات له خادم سره دجمات په تودولو
بوخت و
جمات خوتودیده خوورسره ورسره د جمات د انغري په غاړه  دځوانانو
بانډارهم په تودیدو شو
مامې هم خپل کوچني لاسونه په داسي حال کې چې خپل خړڅادرمې کلک
ترغوغوږنوتاو کړی و  ورو ورو دجمات انغري ته ورنیزدې کول
مامې لاخپل لاسونه  دانغري سرته نه و رسولي چې دجان باز دراتلو سمښت شو
موږلاخپل مخونه د وره په لورسم نه و وراړولي چې هغه دجمات دالان  ته راننوت
جان بازخپل ځان په یوتورڅادره کې داسي نغښتی و چې یواځی سترګې یې  ښکاریدې
څادریې له واورې سپین اوښتی و
موږټولو له روغبړنه وړاندي دانغري غاړه ورته خو شې کړه هرچاترینه دخیر پوښتنه
کوله 
هغه چې ترځان  تاوڅادراودبګړۍ شمله  له مخ اوخولې څخه لري کول
وویل هو خیر دی مه وارخطاکیږئ تللی وم دوستې مې کړه
هو رښتیا مبارکې راکړئ چې کشري ورور یوسف ته مې کوژده وکړه
دمبارکئ اوازونو له هرې خواڅخه د دالان په زړه کې ګوړنجې خپرې کړې
خو ورسره داپوښتنې هم وشوې
 یوسف ته ؟
یوسف خو بیخي ماشوم دی هغه ته دې څنګه کوژده وکړه؟
خو دجان بازمغروري خندا په دغو پوښتنویوڅه  سیوری وغوړاو
 چې خندایې خلاصه شو نو وویل  هم دامې غوښت غوښت مې چې
په هم دې ماشوم توب کې یې پښوته دوریښمو زولنې ورواچوم
ژمی تیرشو پسرلی ورپسي وړی هم په تیریدوشو اومنی راغی

هغه یوه ټپه ده چې وایې
پسرلی تیرشو منی راغی
 نجونې ودیږي ځوانان بل وطن ته ځینه
هو په شا اوخواکلیوکې دودونو اوډولونو شپې اورځې وې
 هرچاخپل ناموس راخوندي کاو جان باز هم خپله وریندار هوسۍ
یوسف ته راواده کړه
دهوسۍ دواده څومیاشتې لانه وې تیرې چې دبرکلي په خلکوکې
ګنګوسې خپرې شوې هو دهوسۍ اودجان باز ترمنځ دنامشروع
اړیکوګنګوسې
دهرچاخپل ان اوخپله خبره چابه ویل چې هوسۍ لادپلارپه کور
په لمن درنه وه
چابه ویل چې هوسۍ ملامته نه ده ملامت خو جان بازدی چې
یوه سترپیغله یې  واړه ماشوم ته راواده کړه
او چاخوبه لاداهم ویل چې نه نه دجان باز له لویه سره نیت حرب و
کنه نو ولې یې دادغره غوندي پیغله یوو ماشوم ته راوده وله
یوه رښتیا اوسل دروغ هیچاد چا په خولو لاس نه شو نیوای
هغه دچاخبره چې دښاردروازې تړلې کیږي خودخلکو خولې نه بندیږي
خو هغه خلک چې په حقیقت خبرو هغو یوبل څه ویل
هغوي هم هغه خبره کوله کومه چې هوسۍ دټیپ په یوه کیسټ کې
ثبت کړیې وې
هوسۍ دټیپ په یوه کیسټ کې ویلې و چې زه بې ګناه یم
په دې کې زما هیڅ ګناه نه شته جان باز زه دې ګناه ته په زوره اړیستلم
ما دهغه په دې وحشت دهغه ټوله کورنی خبره کړه خو هغوي زما  
مرسته ونه کړه هغوي زما په مظلمیت سترګې پټې کړې
اې خلکو زه بې ګناه یم دخدای په خاطر په ماباندی رحم وکړئ
دهوسۍ دااواز چې په کیسټ کې یې ثبت کړی و لاهیچا نه واوریدلی
چې یوه ورځ دیوو بل سوړژمي په ساړه سهارکې دهوسۍ مړی
دیوې شیلې په غاړه دکلي شپنو ومند
څوورځې ورسته جان بازدخپلې تهمتي لمنې خري د یوو داسي پاک نفسه
اوغریب زلمي په جامو وروشیندل چې چایې تصورهم نه و کړی
هغه غریب زلمی یې له هوسۍ سره دبدلمنۍ په تور وواژه اوخپل ځان یې
هم له تهّمت څخه خلاص کو اوهم یې دهوسۍ دکورنۍ له دښمنۍ څخه
ځان وژغورو
په ظاهره خو ډیرو خلکو دهوسۍ دثبت شويوخبرو داوریدوهڅه وکړه
اوډیرودهغې ثبت شویې خبرې واوریدې
خو دافیصله لاتروسه چانه ده کړیې چې هوسۍ څنګه وه
۲۰۰۵/۱۲/۱۶ساجرسعودي عرب
غضري
 

ګریوان دحسن نړۍ

ګریوان دحسن نړۍ

زه لکه اوښکه دبڼو له څوکو
په سره باړخوپرې وتم
نیم په باړخوکې وچ شوم
پاته ګریوان ته درومم
ګریوان دحسن نړۍ
اودزړګوټکو ځانګو
دوړو ستنواوهیندار کورګی
خدا یزده چې زه به
په کوم جوز کې جزبشم

۱۳۸۵/۱۰/۲۲
ساجرسعودي عرب
 غضري

بازاري مینه

بازاري مینه

نظردې پوه کړه
چې دزړه ورغوی مې نه تخنوي
زه کلي وال یمه 
ساده یم
دزړه زرمنمه
نه چې په ډک محفل کې غیږه درکړم
ښکل دې کړمه
اوبازاري مینه دې
ښکلې دبل ځلې له پلوره ووځي
۱۳۸۵/۲/۲۱ساجرسعودي عرب

غضري

مسکا

مسکا

زمادشونډو مسکا
دهغې اوښکوته وروالوتله
ورسره ویې ژړل
داسي
لکه هم داچې دژړاموضووه
ان ترګریوانه یې داوښکوهرقدم ته خپلې شونډې ښودې
چې خپل ورستی قدم یې
دهغې ښکلې دګریوان غوټه کې
داسي کلک غوټه کو
چې بیا یې زماپه لوري
زماسپیروشونډوته
دراتلونوم وانه خیست
۲۰۰۵
ساجرسعودي عرب
 
غضري

اتل

اتل

ماخپله روح لوستې ده
هرساحنه یې ستاپه روح څرخیږي
هلته خیالونه هم داستادي
اوشاعریې هم ته
دهریوو توري په پرده کې ستادرنګ لوب غاړی
لکه دژوند دحقیقي ساحنې ښاغلی اتل
دشپو سینه څیري
اودسباپه لوري
ډک له هیندارو قدمونه اخلي

۱۳۸۵/۳/۱۳/ساجر

 

البم

البم

هغه چې رنګ ورته تورتم اومینه اورښکاریږي
هغه به ځان اینه کې څنګه وینې
سترګې چې رنګ لري
اورنګ خوښوي
چې څوک یې اړې نه کړي
دبدرنګۍ تصویرته کله ګوري
اوکه وروه هم ګورې
دغه بدرنګه تصویر
په خپل رنګین البم کې کله ساتي

۲۰۰۷/۶/۲ساجرسعودي عرب 
غضري

رانجي

رانجي

له بانجاري نه مې په سوال اوزاري
یوڅه رانجي درته په پورواخیستل

ماویل داځل به په خپلو لاسو
ستاپه تندي درنجوخال یږده مه
چې زه درتلم ستاپه تندي و لګیدلي کاڼي
دمخ کاسه دې دسرووینو له خالوډکه وه
رانجي خوتوشو رانه
غوښت مې په اوښکوستاتندی ومینځم
خو
خوموردې منې کړمه
راته ویل یې ساده
خلک شهیدته غسل نه ورکوي
۲۰۰۶/۶/۲۴ساجرسعودي عرب

 غضري

سیوري

سیوري

لکه زموږ دوران هیواد ددیوالونوسیوري
داسي ړنګ بنګ دي زمادزړه دپرهرونو سیوري

ماخودتیرعمرمزل ډیر په اغزوراکړی
څه درته ووایم چې څه وي دګلونوسیوري

رښتیاجانانه دومره ډیرپه حسن مه نازیږه
بلامیراث کړه وخت دښکلیو وربلونو سیوري

دلته یواځي دمړوسترګوپه جنګ تیږه یښې
نورنوپه هربرجل خواره دي دجنګونو سیوري

 شیخه قربان شم په څه چل دمیونوش رواکړه
ډیرمې خوښیږي په تندي دسروجامونوسیوري

بلادې واخلم مسیحاداسي یو چوف پرې وکړه
چې یومخ ولیږدي له موږ دفریادونو سیوري
 
هغه ګړۍ مې دروح زمکه دجلو څپه شي
چې غضري پرې پنځوم ستاد یادونو سیوري

۱۳۸۵/۱۰/۲۲ساجرسعودي عرب

 

اغلې پیغله

اغلې  پیغله

چې سیندسندرې وایې
اوڅپې مستې شې
دمستې نڅاګرې په څیرسراچوي
ستوري په مینه مینه
دکومي مستې ښایستې له شونډو
دخیال په شونډوباندي مچي اخلي
هلته ورپورې دساحل په غاړ       
دورکولارویوستومان مسافر
په یوه وړه کیشتۍ کې
دنااشنامنزل سفرپیل کړي
زه به درځمه ستاتیارې کوڅي ته
زه به له ځان سره سپږمۍ درولم
داسمان ښکلې پیغله
هغه نازکه تکه سپینه اواغلې پیغله
زه به د دې غې پیغلې سپینې لیچې
پستې نازکې اووریښمینې لیچې
ستادکوڅودتورلښکرپه زړه کې
لکه دسپین خنجراینې ماتې کړم
زه به په دغو تکوسپینواو وریښمینولیچو
ستادکوڅودبلامورزیندۍکړم
      

 غضري

په پردې وطن کې

    په پردې وطن کې

اي دجانان دوطن ښکلې سبا
ته مې ونه وتې دزړه له ملکه
زه ستاله ملکه ډیر په خواوتلی
تامې لاهم دزړګي ملک نیولی

اي دجانان دوطن ښکلې سبا
دلته هم ښکلی سباوون راخیږي

په سروګلونوخوږبسیم چلیږي
په چمنونو سوړشبنم وریږی
دلته هم زړونه دسباپه قدرښه پوهیږي
دلته هم لمرسینګاروي دسباښکلې ناوې
دلته هم وریځو داسمان غیږکې کیږدۍ وهلې
دلته هم غرونه له غروره غاړې هسکي لري
لکین شپونکی نه شته شپیلۍ نه شته
دلته رمې اوګلې نه ښکاریږي
دلته کیږدۍ نه شته  کوچۍ نه شته

اي جانان دوطن ښکلې سبا
دلته هم ښکلی مازدیګرراځي
په چمنونوفوارې  خوټیږي
په سروګلونو بلبلان  څرخیږي
دښکلي ریاض پارکونه په خلیجیو ښکلي
دلته هم سپین سپین مړوندونه اوړي
دلته کلفي زلفې په نازځنګیږي
لکین منګي اوګودرونه نه شته
دچنارونو په سړه هواکې
دمستو پیغلو پلونه نه شته

اي دجانان وطن ښکلې سبا
دلته هرڅه شته خوبیا هم څه کم دي
ددې وطن سبازماتنده ماتولی نه شي
ستاښائسته انځورزما له زړه یستلای نه شی
 دلته هرڅه په راکړه ورکړه ولاړ
دلته دمینې نوم څوک نه پیژني
دلته نفرت دمزاج برخه جوړه
دلته الفت له خلکو کډه کړیې
ماغضري چې ته پردی نه کړې پردیه له ما
زه لاپردی یم په پردي وطن کې
۱۹۹۹/۸/۲۸ساجرسعودي عرب

 

دښاغلي امین زي صاحب له لیکنې سره هو

دښاغلي امین زي صاحب له لیکنې سره هو
 
دلوی خدای په نامو چې رحیم اومهربانه دی

 
ویل کیږي چې دانسان دهرې کامیابۍ ترشاه یورازپټ وي هو بازی انسانان داسي دي
چې دژوند مختلیفې کامیابې یې دیوچا دتشویق اوهڅونې په برکت ترلاسه کړیې دي
داتشویقونکی اوهڅونکی انسان ښایې چې دچانصب هم نه وي یو غیرڅوک وي
خو خیرخواوي انسان دوست اوپه انساني خوایشاتوخبر وي
 له نیکه  مرغه زموږ په ټولنه کې همداسي کسان ښه ډیر شته چې ستابه هیڅ نه وي خوهغه تا
تشویقوي اودکامیابیو په لوردې هڅوي خبره رانه وږده شوه
بیرته خپلې اصلې خبرې ته راځم
هو

نن مې دافغان ادبي بهیر په ویب پاڼه کې  دښاغلي همت امین زي یوه
لیکنه ولوسته چې دژورنالیزم په وسولو لیکلې شویې وه 
امین زي صاحب  دیوو ویانددښو اخلاقو تشریح کړیې وه
اوخپلود لیلونو ته یې  داشناتلویزون نطاقه  اوداشنا رادیو کارکونکې
درنه  خور ښائسته سعادت منتخبه  کړیې وه زه نه پوهیږم چې امین زی صا حب
چیرې په کاربوخت دی خو کوم مثال چې امین زي صاحب دسعادت خورد ښې ویندویې
اوښو اخلاقودبیلګې په توګه کارولی و زه ورسره سل په سل کې موافق یم
نه یواځې موافق بلکې زه په دې خبره ویاړم چې دسعادت خورپه څیر باجرات باصلایته
اوباسیرته پښتنې خپل قام اوژبې ته په خدمت بوختې دي
زه پخپله  له سعادت خور څخه ډیرې ښې خاطرې لرم  چې له هغوڅخه یې دلته
دیوې ذکر ضروري ګڼم
نیزدې دوه نیم کاله واړندي داشناراډیو داشنایانو دادبي دیرې په پروګرام کې
ښاغلي اکبرایازي چې هغه مهال داشناراډیو دمشرتابو بارورپه غاړه و له
اوریدونکوڅخه وغوښتل  چې په  راروانو دو ونیو کې خپلې یادبل لیکوال
لنډې کیسې پروګرام ته راوړې هرچاچې ترټولو ښه کیسه راوړه داشناراډیو یوه سمبولیکه
جایزه ورکوي
له ماسره هم دکیسه لیکلو خیال پیداشو خو مخکې له دې مې نه لنډې کیسې لوستې وې
 اونه یې هم دلیکلو په چل پوهیدم
قلم مې راواخیست  دزرډالره  په نوم مې یوه کیسه ولیکله بله ورځ چې مې پروګرام ته
تلیفون وکو نو له ښائسته سعادت خورڅخه مې هیله وکړه چې ماته تلیفون وکړې
اوهغه کیسه راڅخه ثبت کړې    اغلې خورهم داسي وکړو
 دپروګرام له ختمیدو ورسته یې سم دستي راته تلیفون وکو نه پوهیدم
 چې زه مې څنګه خپله کیسه ورته شروع کړم ویردم چې کیسه به مې ډیره بې خونده وی
په نیمی کې به تلیفون راباندي کته کړي اویابه راته ووایې چې وروره وبښه  داکیسه په راډیو کې
دنشریدو نه دی خو داسي ونه شو هغې کیسه پره رانه ثبت کړه
او  له ثبت نه ورسته یې شاباسی راکوډیر په ډاډ یې راته وویل چې که خدای کول ستاسو کیسه
دټولو کیسو په سرکې راځي هو د هم هغه ډاډ او دهغې د  تشویق له برکته
 زه نن په لسګونولنډې کیسې لرم
ما  له ښائسته سعادت خورسره دهم دې ادبي پروګرام له لاري وپیژندل 
اغلې خورپه رښتیا چې دیوې معنوي ښکلا او دیوو پښتانه اوباوکاره سیرت میرمن ده
چې زه هم دا  دعاورته کوم چې ټول عمردې په هم داسي  وکارپټه اودژوند ټولې خوشحالۍ
دلوی څیښتن ورپه برخه کړي
۲۰۰۷/۵/۱۶ په احترم عبدالرحمان غضری

 

 

 

فرواز

فرواز

ځان رانه ورک دی زه په ورکوکې خپل ځان لټوم
په سیندلاهوقسمت څپه کۍ دطوپان لټوم

دزړه کعبې نه مې چاپره لپه دعاوې وړیې
شک مې په دواړودی کافراومسلمان لټوم

خلک جانان پسي جانان وطن نه کډه وکړي

زه دجانان سترګوکې ګرزمه جانان لټوم

شیخه هغلته مې دیارپه بارخوخال تخناو
دلته راغلی یم په سفاروکې ایمان لټوم

وزردې وسوځي د درد خبره چاکړیده
زه خوفرواز غواړم دهسک غیږ کې مکان لټوم

دمرګ استازي دې زمادنیټې پاڼه ګورې
زه به دژوند ستوري ته نوردښکلاتوان لټوم

منظورمې داوي چې غزل ته به تعویز پرې وکړم
کله نرګس کله چنارګورم کاروان لټوم

یوڅوک خوشته چې دزړه کب مې په چنګک ورکاږي
په چم کې ګرږم دکږوبڼو چشمان لټوم

دالیونتوب مې غضري دزړه ارمان ته ورته
چې هر ارمان ته په ارمان ارمان  ارمان لټوم

 

له کاروان څخه منظورښاغلی پیرمحمدکاروان دی
په احترام عبدالرحمن غضري
 
 
 
 

دترنم بادشاه

دترنم بادشاه

دترنګ اوستاذه
ستادسندرونڅاګرې

 

 

زموږدروح په غولي
ناڅي اداکړي اودمینې پلوشې پنځوې
ستالیونۍ ترانې
زموږدعظمت څلی جانان وطن
دعشق رنګینه لوپټه کې نغاړي
ته دسندروپیروې
ستادفطرت په کاف مینې ښاپیرۍ الوتې
دسوراوتال امام وې
درپسي څپ څپ دسندروښکلې
دټولولپې له دعااوله امینه ډکې
ځکه ښاغلی شوې اتل شوې
زموږدزړونواتل
تادتودوزړونودعاګټلې
نه نه دعانه
تادزوق په هنرمندوګوتو
زموږ دزړونونړۍ زموږدونیاګټلې
دفن شهکاره
دافغان میلت خوږمن احساسه
افسوس چې نه یې
خودروح مرغۍ دې
دلوی څښتن په شنوباغوکې غواړم

**************

مرحوم استاد اولمير ته اهدآ
په احترام غضري

امیانی

امیانی

مادمورد دعاګانوامیانۍ ترملاتړلې
زه دلمرسکنی وروریم ماسپوږمۍ ترملاتړلې

 

 دالفت په وزرونو کوه کاف ته یم ختلی
راسره دبخت بدرۍ ده له ملوکه ښکارم ښکلی
دپریوپه زړګي کې لکه ګل یم ټوکیدلی
د دعاسلیماني ګوتې ماګیډۍ ترملاتړلې
زه دلمرسکنی وروریم ماسپوږمۍ ترملاتړلې

دځوانې دښکلاغرمې په هم دې ګلوپوښلی
دزړګي تږی ارمان مې دې چینه کې لمبولی
نسیم زماپه ایجاره دی په ټول کلي مې ویشلی
نورنوټول پسرلي زمادي ماغوټۍترملاتړلې
زه دلمرسکنی وروریم ماسپوږمۍ ترملاتړلې

مادزړه تیاره رګوکې بې حسابه ډیوي بل کړې
مادژوند دپیغلې شونډې په هم دې برکت ښکل کړې
دحالاتوقصیدې مې په دې باب کې مکمل کړې
مادوخت دیاغې ناوې سره ډولۍ ترملاتړلې
زه دلمرسکنی وروریم ماسپوږمۍترملاتړلې

دامین په تارپییلې زمادموردخولې  خبرې
پاس دعرش زړګي ته ولاړې لکه ښې سپینې کوترې
غضري چې مستغني یم په ما اوري ملغلرې
مادسپینوملغلروبوخڅکۍترملاتړلې
زه دلمرسکنی وروریم ماسپوږمۍترملاتړلې

په احترام غضري

د سندرو تعويذ

د سندرو تعويذ

زه دغزلوبارتړم ګوره چې ولاړه نه شي
نن دې په حسن څه لیکم ګوره چې ولاړه نه شي

 

بیګاراغلې وه په خوب کې ستادحسن پرۍ
کیسه یې بیادرته کوم ګوره چې ولاړه نه شي

لامودزوق شپیلۍ په نوې ژبه نه پوهیږي
زړې نغمې وریادوم ګوره چې ولاړه نه شي

د لمرپه پیرمې درته کښلی دسندروتعویز
په سور اوتال کې یې ګنډم ګوره چې ولاړه نه شي

زیړ مازدیګرستادمنګي داوبوغړپ کې څیښم
داتوره تنده ماتوم ګوره چې ولاړه نه شي

لاڅوقترې دځوانۍ وینه دزړه جام کې پاته
دشونډو اورپري لګوم ګوره چې ولاړه نه شي

نن به په ګډه داسپیره شپه په عمبرومینځو
دڅڼوغوټې دې شپړم ګوره چې ولاړه نه شي

نغمه نغمه به غضري دمینې سازته درځم
پیغلې ټپې دې تخنوم ګوره چې ولاړه نه شي

۲۰۰۴/۱۲/ساجرسعودي عرب

راسره ستړې به شې

راسره ستړې به شې

راسره ستړې به شي ښکلې پیغلې
زماقسمت ستړی دی

زماخیالونه ستړي
په مادرد هم ستړی شو
راسره ستړې به شي
زماخوبونه ستړي
زما ارواستړې ده
زماګامونه ستړي
زه له اغازه ستړی
زماانجام ستړی دی
راسره ستړې به شی
زه اوس عادت یم پیغلې
له خپلو اوښکوسره نه ستړیږم
زه اوس له ستړیوسره ستړی نه یم
زماخوبونه اوس په ستړي بستر
له مانه تیښته نه کړي
زما زخمونه اوس په دردعدت دي
زمادردونه اوس له ماسره په ستړیو روږدي
خو
خوزمانازکې ګلالۍ همځولې
په تاویریږم ته دستړیونه یې
راسره ستړې به شي
ته دخندالیونې
زه خپلې اوښکې څبیښم
زه دنغمودغږولونه یم
زماله ګوتوڅخه وینې څاڅي
رباب زماله ګوتوکرکه لري
پیغلې ماوپیژنه
راسره ستړې به شي
ستابه وږمې دپسرلي ارزو وي
ته به پیکي ته زیړګلونه غواړي
ته به په ماکې دناز زیرمې وینې
ته به ترخپلوتورو څڼولاندي
په ماخوبونه غوړول غواړي
ته به دخپلوشنوبنګړوپه شورکې
له ماخوبونه تښتول غواړي
نه
نه تیروتلې یې ته
راسره ستړې به شي
زه دخزان په زړه کې توره تنده
پسرلی نه پیژنم
زه دنسیم اودشبنم په ژبه نه پوهیږم
زه له ازغونه ګلان نه شم راوړای
زما په زړه کې دنازتیغمه نه شته
زماهمځولې ګلالۍ همځولې
زما له سیوري هم ځان لري ساته
راسره ستړې به شي

۲۰۰۶/۲/۲۴ساجرسعودي عرب
په احترام عبدالرحمان غضري
 
 

وروره ورینداره خارونومیږي

    وروره ورینداره خارونومیږي

موږ کلیوال دسون بوټي له غره څخه راوړو غرهم زموږله کلي ښه ډیرلري دی سهارپه خړه خر له کورڅخه وباسو اوبیاماسپښین ناوخته کلي ته راستنیږو هغه ورځ هم ښه ستړی شوی وم دلارې په وږدوکې څوځلې خر راپريوت باربه مې تري واړاو چې یوڅه به یې ساجوړه شوه نوبیابه مې بیرته بارپري را بارکو وس نوکلي ته رانیژدې شوی وم له کلي څخه د دریاو اوازونه راتلو د دریاو اوازونه   دخوشحالۍ زیری وي  یوري مې په زړه کې راتیره شوه ګوندي پلارمې کوژده راته کړیې وي خوبیامې ورو له ځان سره وویل زه اودومره بخت چیري  څلورکاله وشوچې پلار زماپه کوژده پسي ګرزي خونجلۍ یې نه خوښیږي څه مې کاته چې دکلي له خوایوکلیوال په سایکل راسپورو تیزباد دهغه بې بریکو سایکل داسي راباندي تیرکو لکه کورولا موټر په دیره خوارۍ یې دایوه خبره راته وکړه مبارک شه پلاردې کوژده درته وکړه چې مخ مې وراړاو نو دهغه باد وړی سایکل ډیرلري رسیدلی وو. اوس مې نو په زړه دشاه اوخوا ښائیسته نجوني ټولې راواوریدې ځکه جې مامې خپلې مورته دنجونو یولوی لیست ورکړی وو له ځان سره مې ویل ته واچې څوک به یې درته غوښتې وي بریښڼا اوکه وږمه کیدای شي چې هوسۍ یې راته غوښتې وي هو رښتیا رایادشو پلارمې پرون له فیروز کاکا سره ولاړو لکه چې هم دغه خبره یې سره کوله که خدای کول نورڼا یې راته غوښتې زه لاپه هم دغوخیالونوکې وم چې خرمې له بارسره دکورپه دروازه ورننوت مور اوکشرۍ خورمې غبرګې مخته راغلې مورمې چې یوڅه تتوزرې وه راته ویل یې زویه مبارک شه پلاردې کوژده درته وکړه اوخوربیا په ډیره خوشحالۍ راته ویل  وروره ورینداره خارونومیږي دخارودنوم له اوریدوسره مې یوه ګړۍ زړه ټکان وخوړل ځکه چې دانوم په هغه لیست کې نوو چې مامورته ورکړی و سترګې مې مورته ورواوښتې ورومې ورته وویل مورې خاروڅوک ده خوهغې چنداني زمادزړه خیال ونه ساته په بې پروایې راته وویل نورنوڅوک هم هغه نجلۍ کومه چې پلار درته غوښتې له تاسوڅه پټه خدای شته چې دخارونوم هم ښه ښائسته خوږراباندي ولګیده په زړه کې مې ویل چې کاش زمانوم هم طوطي اویابلبل وای څومره به ښه وو چې خلکو دهغې له نامو سره زمانوم تړلای او ویلایې چې خاروطوطي اویاخارو بلبل څو ورځې ورسته خبرشوم چې خوښې مې لیدوته راځي درسته ورځ مې په سینګارتیره کړه اوچې کله هغه راغله نوزه هم دمورپه غوښتنه ورغلم ښه راغلاست مې ورسره وکړو اویوڅوشیبې دهغې په خواکې کښینستم کله چې زمامور له هغې نه پوښتنه وکړه چې څنګه هلک مو خوښ شو نوهغې له یوه کاږه نظره ورسته په پڅوشونډو وویل هو بد نه دی مور مې هیله وکړه چې هغه هم خپله نږور خاروجانه وویني خو خواښې مې داهیله دهغې په ستوني کې وروچه کړه او په دې یې ځان تیریست چې ګواکې خارو وس خدای دې تاسوکړیې یوه ورځ به په خپله ستاسو کورته راشي اوکه دې چرې دهغې کړووړوته سوداوي نوهم داماته ګوره هغه زمالورده کټ مټ ماته ګرزیدلې ماچې یونظرخواښې ته سم وکتل نوپه زړه مې نرۍ زلزله راغله وړې سترګې یوه پنډه پزه اویویوسوک شونډان سمه دکوچیانوتبۍ وه خوبیامې زړه په خپله تسل کو مویل داچې خواښې مې څیړۍ نومیږي نوخودبه شنه اوخرټه پرټه وي څه خاروخونه نومیږي چېۍ نازکه پسته اوخوږه وي چې کله هغه بیرته ستنیده نو زه هم داحترام په خاطر څوګامه له هغې سره مل شوم په لارکې یې راته ویل هلکه که دې خاروته ډیره سوداوي نویوه ورځ غلی غوندي راشه یونۍربه یې له لري درباندي ووینم بله ورځ مې ډیرپه خوارۍ دهغوتر کوره ځان ورورساوو خواښې مې مخته راغله له ځان سره یې میلمستون ته بوتلم شیبه ورسته دشنوجایوچاینکه هم راورسیده اوبیا لیږ ورسته دکوټې په کړکۍ لکه دوریځې یولوی سیوری پریوت شیبه لانه وه تیره چې دکړکۍ مخته یوه لومیرمن لکه ورسۍ شوبله تیره شوه خواښې دسترګوپه کونجانوکې راته وویل هم دغه خارووه په زړه مې سړې وررښې راغلې خو بیا مې ډیرژرزړه ته دا ډاډ ورکوچې ښه ده د ډاکټر له پیس اود درملوله اخیستویې بې غمه یم دې یو موټر غوښوته مرض څه بلا راغواړي وس نودتلوپه تکل کې شوم خواښې هم تردروازې راسره وه څه مې کاته چې دسایکل له ټیرونومې چاغبرګ دهواوالونه ایستلي وو خواښې مې په ژاولن اوازوویل دادسایکل والونه څه بلاوخوړل بس هم دومره وو چې یوه ماشوم راغږکړو هغه خو خارولیونې وروکیښل اوخپل دلوبونانزکي ته یې ورپه غاړه کړو ماډیرورته وویل چې مه کوه دادزوم سایکل دی خو هغې راته ویل چې دزوم سایکل دی څه ستادپلار خوبه نه وي
۱۳۸۵/۶/۲۶ساجرسعودي عرب
په احترام ورورمو عبدالرحمان غضري

 

 

زمارایه بیرته راکړه

زمارایه بیرته راکړه : .

په شاه اوخوا سیمه کې داخترو ترور همزولي نه دي پاته ښاې چې داخترو ترور عمر ترسلوکلونوښه ډیر وراوښتی وي ، زموږډیری کلیوال  داخترو ترور په حقله په دې خبره متفیق دي چې ګواکې اخترو ترور خپلې دیندارۍ نیولې ګنې دهغې په عمر میرمني له خپله ځایه نه شي خوځیدای  خودا هرورځ سهاروختي برکلي ته ځي .

 

هغلته په لورانواونوروخپلوانوراوګرزي،اولوړمازدیګربیرته په ښوژوندیوپښوکورته راستنه شي . داخترو ترور په دیندارۍ کې رښتیاهم شک نوو که ځه هم هغه په دني اموروکې چنداني واریده نوه خوله هغودودیزوکلیموڅخه یې په خپل عبادت کې اسفاده کوله کومي چې هغې ته موراوپلارښودلې وي .اخترو ترور به دمیاشتي ترنیماې لاډیرې ورځې روژه وه دشپې ډیره برخه به یې په نفلونوتیره کړه ،اخترو ترور به له تیرو دریولسیزوراپه دې خوا چې کله هم له لمانځه څخه پاریغه شوهاوخپل لاسونه به یې خدای ج ته دڅه غوښتلولپاره پورته کړونولمړې غوښتنه به یې له خدایه خپل هیوادته دیووعادل مشروه ، کله ناکله به یې خپلونږندوهم ورپوري خندل ورته ویل به یې ادې خواره شي له تیرودیرشوکلونو څخه له خدایه دایوسوال کوې ، خو ونه منل شو لکه چې په اه کې دې څه نه شته . خو اخترو ترور به ژر خپلې ګوتي غوږونوته یووړې اوله دوۍ څخه به یې هم وغوښت چې توبه وکړي ځکه چې خدای ج په خپلو کارونوډیرښه پوهیږي ؟
تیر ځل چې کله دجمهوري ریاست انتخاباتوته کمپین پیل شو نو خدایزده ولې اخترو ترور هم دې انتخاباتو ته ډیرلیواله وه که څه هم هغه اصلاًدانتخاباتوپه مفهوم نه پوهیده خو له یوواوبل څخه به یې پوښتنې کولې او کله چې پوه شوه نو پریکړه یې وکړه چې خپله رایه وسني جمهوریس ته ورکړي ، که څه هم اخترو ترور پیرانواوحضرتانوته ښه نیت درلود . خوس یې له دغو نوموړو هم یوڅه خوا وږلې وه دانتخاباتوپه ورځ یې زوی ډیرورته وویل چې خپله رایه پیرصاحب ته ورکړي خو اخترو ترور ورسره ونه منل  . ځکه چې په ټولوکاندیدانوکې اخترو ترورته دوسني جهورریس نوم نوی وو .
اوکله چې په دې خبره خبره شوه چې هم هغه څوک کامیاب شوچاته چې دې رایه ورکړیوه نو له خوشحالۍ په جاموکې نه ځایده . د دې په ځای چې ووایې زموږجمهورریس له خولې څخه به یې بې ساخته راووتل زماباچا .
هغې ته خپله رایه لکه دغرهغومره لویه ښکاریده .او باید ورته ښکاره شوې وای ځکه چې کله ناکله په جمهوریت کې یوه رایه دسړي برخلیک بدلوي .
خودا څو ورځې مخکې یې خپل کشری لمسی دولسوالې ولسوال ته ورلیږلی وو . ورته ویلې وو چې ولسوال ته ووایه چې : ستااودباچاصاحب خو حال سره کیږي دا ځل چې باچاصاحب ووینې نوورته ووایه چې اخترو ترور خپله رایه بیرته غواړي .
کله چې کلیوال داخترو ترور په دې کارخبرشو ،ښه ډیریې وخندل . هغه ورځ چې اخترو ترور دلور له کوره راستنیدله نو څوکسه ځوانانوپه لارکې ودروله او ورڅخه ویې پوښتل .

توړۍولې له باچاسره موڅه اختلاف راغلی چې خپله رایه بیرته تري غواړې ؟
اختروترور چې په هغه ورځ هم روژه وه ژبه یې په خپلو وچوشونډو راتیرکړه او ورو یې ورته
وویل : ګورئ ځامنو !
مرګ راپوریده یوه ورځ به دخپل خدای حضورته ورځم نوزه به مې خدای ته څه وایم ؟
چې ما خپله رایه داسي چاته ورکړه چې غل اوقاضي یې نه سره پیژندل ! نو ځکه مې باچاته حال ورولیږه چې زمارایه بیرته راکړه .